قصيدة للشاعر الجنوبي / أبو ريم الحدي
--------------------------------------------
إهداء لكل أم
سلامتك يا اغلى بشر في حياتــــي.
يا روح قلبي ترجعي بالســـلامــــــه.
دعيت ربي يحفظك في صلاتـــــــي.
بجاه سيدنا النبي لامقــامــــــــــــه.
يا اغلى من الغالي وطيب امنياتـــي.
ياتاج راسي والشقر والعمامـــــــــه.
عندك حياتي يالغلا او مماتــــــــــي.
وهذا شرف لي بل وعز وكرامــــــــه.
لعيونك الغاليه بعلن ولاتــــــــــــــي.
وخفظ جناح الذل لك باستقامــــــــه
امي غلاوتها مع ذكرياتـــــــــــــــي.
يوم البستني لبس غالي وخامـــــه.
قالت تدلل ياهناي وغلاتـــــــــــــي
وعلمتني عالكرم والشهامـــــــــــه
دايم تناديني بروحي وضناتـــــــــي.
ولو صابني مكروه تبكي ندامـــــــــه.
تشيل همي وتهتني من هناتـــــي.
وترخص الغالي ولو بنعدامــــــــــــه.
من مثل امي يعتني باسئلاتـــــــي.
من مثلها يقدر يتم التزامـــــــــــــه.
تحملت لجلي ولمت شتاتـــــــــي.
وان صحت تقبلني باحلى ابتسامـه.
فداك يالغاليه مالي وذاتـــــــــــــي.
وطال عمرك ياحياتي ودامـــــــــــه